ജന്മം

കടപ്പാട് : ഗൂഗിൾ 

ഒരു വറ്റിനായി 

ഒരിറ്റു ജലത്തിനായി 

അലഞ്ഞു നടപ്പൂ 

കറുത്ത മൂടുപടമിട്ട 

എന്റെ കിനാക്കൾ 

കത്തുന്ന വയറ്റിൽ 

തീയായി വിശപ്പിന്റെ 

താണ്ടവം 

നശിപ്പിച്ചു മൂല്യങ്ങളെ ..

വിലക്കാൻ

മാനം മാത്രം ..

വിശപ്പിന്റെ കറുപ്പാണോ 

മാനത്തിന്റെ വെളുപ്പാണോ  

വലുത്..?

തിരിച്ചു പോക്ക്

ഞാൻ മറന്നു വച്ചത്  

എന്റെ ബാല്യമോ 

അതോ ,

കാലമോ  ..

അമ്പലക്കുളത്തിൽ എന്നെ കാത്തിരുന്നത് 

എന്റെ ജീവിതമോ 

അതോ,

നനഞ്ഞു കുതിർന്ന ആഘോഷങ്ങളോ ..

മുങ്ങി നിവരുമ്പോൾ ഞാൻ എടുത്ത ശ്വാസം 

എന്റെ സ്വപ്നമോ 

അതോ ,

തിരിച്ചു പോക്കോ ..?

ഞാനും എന്റെ നിഴലും

ഞാൻ നടന്നു 

കറുത്ത ഇടനാഴികളിൽ 

എന്റെ നിഴലിനെ തേടി..

ഇരുട്ടിന്റെ കറുപ്പ് 

എന്നെ നോക്കി പല്ലിളിച്ചു 

പതിഞ്ഞ സ്വരത്തിൽ 

ഞാൻ വിളിച്ചു 

എന്റെ നിഴലിനെ 

ഇരു പുറത്തു നിന്നും 

പ്രതിധ്വനിയായ് 

അവയെന്നെ പേടിപ്പിച്ചു ..

പിന്തിരിഞ്ഞു നടക്കാൻ 

എനിക്കായില്ല ,

എന്റെ മുഖം മൂടി 

എന്നെ പിടിച്ചു വലിച്ചു ..

എനിക്കായി നിഴൽപ്പാടുകൾ 

ആർത്തു കരഞ്ഞു ..

നിലത്തു വീണ കിനാക്കളായ് 

മിഴിനീർ തുള്ളികൾ 

പൊട്ടി ചിതറി ..

ഞെട്ടിയുണർന്നു ഞാൻ 

പുറകെ എന്റെ നിഴലും ..!!

സ്വാതന്ത്ര്യം

ഒടുക്കം അങ്ങനെയും സംഭവിച്ചു .. എങ്ങനെ എന്ന് എന്നോട് ചോദിക്കെരുത് . ചോദ്യങ്ങളൊക്കെ നിങ്ങള്ക്കുള്ളതാണ് .. ഉത്തരവും.. ഞാനൊക്കെ വെറുതെ ഓരോന്ന് പറയും .. 

courtesy: google.com

ഉടുപ്പ് ഇടുന്നത് സ്വാതന്ത്ര്യം ഇടാത്തതും സ്വാതന്ത്ര്യം .. പെണ്ണ് കെട്ടുന്നത് സ്വാതന്ത്ര്യം കേട്ടാതെ ഇരിക്കുന്നതും അതെന്നെ ..

അപ്പൊ പിന്നെ പെണ്ണ് പെണ്ണിനെ കെട്ടിയാലും ആണ് ആണിനെ കെട്ടിയാലും സ്വാതന്ത്ര്യം ..!!

ഈ സ്വാതന്ത്ര്യം എന്നാ വാക്കിനോട് ഇപ്പോഴാണ് എനിക്കൊരു മതിപ്പ്  തുടങ്ങിയത് .ഇതൊക്കെ പണ്ടേ വരേണ്ടതല്ലേ .. അതെങ്ങനാ അപ്പോഴല്ലേ സായിപ്പമ്മാർ ഈ നാട് മുടിച്ചു മുങ്ങിയത് .. 

അവരോടു കലിപ്പ് കാണാതിരിക്കൂലല്ലോ .. അതോടെ എല്ലാം പോയിപ്പോയതാ ..

ഇപ്പോഴല്ലേ സംഗതി തിരുമ്പി വന്നത് ...

പടച്ചോനെ സംഗതി പാളുമോ .. മക്കള് രണ്ടെണ്ണം ആണ് വളർന്നു വരുന്നത് ..

സ്വാതന്ത്ര്യം മണ്ണാങ്കട്ട ആണ് ..

മഴ

മഴയായിരുന്നെത്രേ 

മനസ്സിന്റെ മരുഭൂവിനെയന്നും 

നനയിച്ചതും പിന്നെ,

കരയിച്ചതും ..

കണ്ണുനീർ

കണ്ണുനീർ പ്രണയമല്ല സഖേ,
എന്റെ മുന്നിലെ വറ്റില്ലാത്ത പാത്രമാണ്..!

കണ്ണുനീർ വിരഹമല്ല സഖേ,
എന്റെ മുന്നിലെ രണ്ടു ചില്ലറ തുട്ടുകളാണ് ..!

കണ്ണുനീർ നഷ്ട്ടപ്പെടലല്ല സഖേ,
എന്റെ പിച്ചി ചീന്തപ്പെട്ട മാനമാണ് ..!

കണ്ണുനീർ ജീവിതമല്ല സഖേ,
എന്റെ ജീവിതത്തിന്റെ ഏതോ മൂലയിലുള്ള ഒരു "വെയ്സ്റ്റ് ബിൻ " ആണ് !!

അല്ല പിന്നെ

അല്ല പിന്നെ , ഈ ഉണ്ണാക്കന്മാർ വിചാരിച്ചാലൊന്നും ഈ ശ്രീനി മോനെ തോപ്പിക്കാനാവില്ല മക്കളെ..!

കാട്ടിലെ തടി, തേവരുടെ ആന .. പിന്നെന്താ വെട്ടിയാൽ ..!!

കാലം

ഇന്നലെ :

അമ്മ : "എന്റെ മോൻ തീരെ മെലിഞ്ഞു പോയി. "

ഇന്ന് :

മമ്മി : " ഇവന്റെ ഈ പോണ്ണത്തടി എങ്ങനെയാ ഒന്ന് കുറയ്ക്കുക !! "

സാധാ മലയാളി

http://www.dinodia.com/ImageBigView.asp?ImageID=55312

ഒരു സാധാ മലയാളിയായ എനിക്ക് നല്ലവണ്ണം കുശുമ്പ് കുന്നായ്മ എല്ലാം ഉണ്ട് .

ചെറ്റത്തരം ചെയ്തിട്ട് എന്റെ കുന്നായ്മയെ കുറ്റം പറഞ്ഞു രക്ഷപ്പെടുന്ന നവ ലോക സംസ്കൃതിയുടെ പിതാ മഹാന്മാരോട് കടുത്ത വിദ്വേഷവും ഉണ്ട് .

കുഷ്മാണ്ടന്മാരായ ആളുകളുടെ പാശ്ചാത്യ സംസ്കാര നാടകം കാണുമ്പോൾ സങ്കടവും വരാറുണ്ട്.

സ്വാതന്ത്ര്യം വിളമ്പുന്ന ഉടുവടകൾ ഇട്ടു അർമ്മാദിക്കുന്ന അഖില ലോക സ്വാതന്ത്ര്യ സമര സേനാനികൾ ആയ യുവതി യുവാക്കളായ സമൂഹത്തിലെ വമ്പന്മാരോട് കലിപ്പും തോന്നാറുണ്ട്.

അകത്തു നിന്നും തിന്നു പുറത്തു പോയി തൂറിയിരുന്ന സംസ്കാരത്തെ അപരിഷ്ക്രുതമെന്നു ആർത്ത് വിളിക്കുമ്പോൾ തല കുനിക്കാറും  ഉണ്ട്.

എന്ത് ചെയ്യാനാ.. ഞാനൊരു സാധാ മലയാളി മാത്രം ആയിപ്പോയില്ലേ .

എല്ലാരും കുറ്റം പറയുന്ന സംസ്കാരം എന്നത് കേട്ട് കേള്വി പോലും ഇല്ലാത്ത നികൃഷ്ട വർഗ്ഗത്തിന്റെ സന്തതി.!!

പിന്നാലെ : മലയാളത്തിനു ശ്രേഷ്ഠ പദവി കിട്ടി . മലയാളിക്ക് ഒരു ചുക്കും കിട്ടീല ..!!

മണ്മറഞ്ഞു പോയ ആ പിഞ്ചു പൈതലിനു വേണ്ടി ഒരിറ്റു കണ്ണീർ പോലും അർപ്പിക്കാനാകാതെ ..!!!

അവിടെ ഞാൻ ഉണ്ടായിരുന്നു 

ഞാൻ അവരിൽ  ഒരാളായിരുന്നു 

ഞാൻ അവരുടെ കൂടെ ആക്രോശിച്ചിരുന്നു 

അവരുടെ പോലെ ആനന്ദ നിർവൃതി അടഞ്ഞിരുന്നു 

എനിക്ക് മുഖമില്ലായിരുന്നു 

അവരായിരുന്നു എന്റെ മുഖം 

എനിക്ക് സ്വപ്‌നങ്ങൾ ഇല്ലായിരുന്നു 

അവരായിരുന്നു എന്റെ സ്വപ്നം 

എന്റെ കാമം തീര്ക്കാൻ അവരുണ്ടായിരുന്നു 

അവരുടേത് തീര്ക്കാൻ ഞാനും 

ആ കുഞ്ഞിലും ഞാൻ വികാരാധീനനായി 

അവർ എനിക്കായി അവളെ ബലാല്സംഗം  ചെയ്തു 

ഞാൻ കരയാൻ ശ്രമിച്ചു 

പക്ഷെ,

ഞാൻ എന്റെ കണ്ണുനീരും അവര്ക്ക് നല്കിയിരുന്നു 

കാളിയൻ :- മണ്മറഞ്ഞു പോയ ആ പിഞ്ചു പൈതലിനു വേണ്ടി ഒരിറ്റു കണ്ണീർ  പോലും അർപ്പിക്കാനാകാതെ ..!!!